കുചേല പ്രണയം
എന്റെ ഹൃദയം
അറുത്തു മുറിച്ച്
അതിലെ സ്നേഹം നിറച്ച്
ഞാൻ ഒരു ആലിലക്കണ്ണനെ
എന്റെ ഹൃദയേശ്വരിക്ക്
നല്കി.
സൗവ്വർണ്ണ തൂവലുകൾ
ചിക്കിയൊതുക്കി
ആലിലക്കുരുവിയെപ്പോലെ
അതവളുടെ വെൺകഴുത്തിൽ
പതുങ്ങിയിരിക്കുന്നത്
ഞാൻ സ്വപ്നം കണ്ടു..
ആ കുരുവിയുടെ
ഉടലിൽ ഞാൻ
ഉമ്മ വയ്ക്കുന്നതും
കണ്ടു..
എന്റെ ഹൃദയത്തിൽ
നിന്ന് ജീവൻ
അവളുടെ കയ്യിൽരുന്ന്
പിടച്ചു..
ഹാ,ഇതു നിനക്കുള്ളതാണു..
ഒരു നിമിഷം
ജീവിതത്തിന്റെ
ആകാശം ഇടിമിന്നൽ
പിണറുകൾക്ക്
വഴി മാറ്റിക്കൊണ്ട്
അവൾ
ആലിലക്കണ്ണൻ താലിയെ
എന്റെ മുഖത്ത്
തിരികെ എറിഞ്ഞു തന്നു..
‘അവന്റെ ഒരു
തൊലിഞ്ഞ താലി,
ആകെ തൂക്കിയാൽ
അരഗ്രാം വരും..ത്ഫൂ..’
എന്റെ ഹൃദയം
മിടിപ്പുകൾ
നിലച്ച്
നിശ്ശൂന്യമായി,
ഞാൻ മണ്ണിൽ
അലിഞ്ഞു പോയി..
എന്നിട്ടും അവൾക്ക്
കനം മൂടിയ
സ്വർണ്ണം
കൊടുക്കുവാൻ
ഇന്നും ഞാൻ
മോഹിക്കുന്നു..
ഇഷ്ടം കൊണ്ടു മാത്രം!
അവൾ
ഒരിക്കലും
അതറിയുന്നുണ്ടാവില്ല!
Monday, July 12, 2010
Subscribe to:
Post Comments (Atom)
No comments:
Post a Comment