എന്റെ ജീവിതത്തിലെ ഗാനം
ഇന്നലെ തിരിച്ചു കിട്ടി,
എന്നെ കാത്തിരിക്കുന്ന ഗാനം
ഇന്നും അവിടെയുണ്ട്..
പുല്ലാങ്കുഴലില് നിന്ന്
വിളികേട്ടെത്തിയ പൂക്കളില്
അവളുടെ തിളങ്ങിയ കണ്ണുകള്,
വിടര്ന്ന പുഞ്ചിരി,
നിറഞ്ഞ മാസ്സിന്റെ താളം
തുടികൊട്ടിയ
കരചലനങ്ങള്..
ഊര്മ്മിളയുടെ ദുഖം
അവളുടെ മിഴികളിലില്ല,
തളര്ന്ന് തുടങ്ങിയ
താരാട്ടിന്റെ ഈണം
മനസ്സിലുമുണ്ടാവില്ല..
ഇപ്പോള്
എന്റെ രാധേ,
നീയെവിടെയെന്ന്
ചോദിക്കാതെ
നീയെവിടെയെന്ന്
ഞാനറിയുന്നു
നിന്റെ നീലച്ചേലയില്
ഞാനുണര്ന്നിരിക്കുന്നു,
നിന്റെ ചുടു നിശ്വാസത്തില്
ഞാനഭയം തേടുന്നു,
നിന്റെ കരപരിലാളനത്തില്
എന്റെ ദേഹം പൂക്കുന്നു..
നീ പാടുന്നതോടെ
ഞാന് തളിരിടുന്നു!
കുന്നിന് മുകളിലെ
പച്ചമരച്ചില്ലയില്
കുയിലിന്റെ സ്വരം
ഓടക്കുഴല് വിളിയുടെ
പ്രണയാതുര പ്രവാഹം..
എന്റെ പ്രാണനാഥേ,
നിന്റെ ചുണ്ടുകളില്
ഞാന് കാത്തുവച്ച പാട്ടുകള്,
നിന്റെ കണ്ണുകളില്
ഞാന് കോര്ത്തു വച്ച പൂവുകള്,
നിന്റെ മാറില്
ഞാനണിയിച്ച നിറമാല,
ഇന്നലെ
എന്റെ ജീവിതത്ഥിലെ ഗാനം
എന്നെ തേടിയെത്തി,
ഞാനുറങ്ങാതെ കാത്തിരിക്കുന്നു,
നീ പാടുന്നതോടെ മാത്രം
ഞാനുറങ്ങിപ്പോകുന്നു!
Friday, February 27, 2009
Subscribe to:
Post Comments (Atom)
1 comment:
കവിത പ്രമാദം ... ഇതു പണ്ട് രേസ്മിക്ക് കൊടുത്തതല്ലയോ? ?
Post a Comment